SİYASƏTƏ QARIŞMAMAQ PRİNSİPİ

BU SUALI MÜZAKİRƏ ETMƏYİN ƏHƏMİYYƏTİ

DÜNYADA BAŞ VERƏN BÖYÜK PROSESLƏR

DÜNYADA BAŞ VERƏN DAĞIDICI PROSESLƏR

DİNDƏN KƏNARDA DÜNYA PROBLEMLƏRİNİN HƏLL EDİLMƏSİ SƏYLƏRİ

BƏHAİLƏRİN FİKRİNCƏ, DÜNYA PROBLEMLƏRİNİN AÇARI NƏDİR

SİYASƏTƏ QARIŞMAMAQ HAQQINDA BƏHAİ TƏLİMİNDƏ NƏ BUYURULUR

BƏHAİ PRİNSİPLƏRİ

BƏHAİLƏR SİYASƏTDƏ NƏ ÜÇÜN İŞTİRAK ETMƏMƏLİDİRLƏR

SİYASƏTƏ QARIŞMAMAQ PRİNSİPİNƏ ƏMƏL OLUNMASI

DÖVLƏT XİDMƏTİNƏ MÜNASİBƏT

PARTİYALARA VƏ SİYASƏTÇİLƏRƏ MÜNASİBƏT

İCTİMAİYYƏT QARŞISINDA ÇIXIŞLAR

VƏTƏNDAŞ SEÇKİLƏRİNDƏ İŞTİRAK ETMƏK

SİYASƏTDƏ İŞTİRAK ETMƏMƏK - BƏHAİLƏRİ BİZİM GÜNLƏRDƏ GÜDƏN TƏLƏLƏR

SİYASƏTDƏ İŞTİRAK ETMƏMƏK BƏHAİLƏRİ GƏLƏCƏKDƏ GÜDƏ BİLƏCƏK TƏLƏLƏR

HAKİMİYYƏT ORQANLARINA TABE OLMAĞIN ZƏRURİLİYİ

ÇƏMİYYƏTİN RİFAHI VƏ İCTİMAİ HƏRƏKATLAR

SİYASƏTƏ QARIŞMAMAQ PRİNSİPİ

BU SUALI MÜZAKİRƏ ETMƏYİN ƏHƏMİYYƏTİ

1. Əgər Yazılarda buyurulmuşdursa ki, Əmrin işi mütləq qələbə çalacaq, bu və ya digər bəhainin necə davranmasının fərqi varmı?

Uca Ədalət Evi buyurur:

"Əmrin insanların qəlblərini fəth edərək Allahın iradəsi ilə irəliləyən ordusu məğlub­edil­məzdir, lakin onun ardıcıllarının düşünülməmiş və məsuliyyətsiz hərəkətləri onun irəliləyişini ləngidə bilər".

2. Bu və ya digər bəhainin siyasətdə iştirakı nə ilə nəticələnə bilər?

Uca Ədalət Evi xüsusi olaraq qeyd edir:

"...bu və ya digər bəhainin hər hansı ölkədə - öz vətənində və ya başqa yerdə - düşünmədən etdiyi hərəkət və ya verdiyi bəyanat Əmrə ciddi ziyan vura bilər və hətta din qardaşlarının ölümünə səbəb ola bilər".

3. Bəhainin bu məsələ ilə bağlı Yazılarda buyurulanı diqqətlə öyrənməsi nə üçün vaçibdir?

"...bu nəinki dostlara bu məsələdə Yazılara şüurlu surətdə və sevinclə əməl etməyə yardım edəcək, həm də onun doğruluğuna və zəruriliyinə şübhə edənlərə bəhailərin mövqeyini böyük yəqinliklə izah etməyə imkan yaradacaqdır".

DÜNYADA BAŞ VERƏN BÖYÜK PROSESLƏR

1. Allahın böyük Planı nədən ibarətdir?

Uca Ədalət Evi təsdiq edir:

"...Allahın coşqun inkişaf edən, bütün bəşəriyyətə bütövlükdə toxunan, durmadan həyata keçməyə doğru irəliləyən böyük Planı, bəşəriyyətin birliyinə mane olan bütün maneələri aradan qaldırır və onu bədbəxtlik və iztirab kürəsində əridib bütövləşdirir.

2. Bu proses nəyə gətirib çıxaracaq?

Uca Ədalət Evi təsdiq edir:

"Allahın İradəsi ilə bu proses Kiçik Sülhün qurulmasına gətirib çıxaracaq..."

3. Kiçik Sülh nə deməkdir?

Uca Ədalət Evi buyurur:

"...dünyanın siyasi cəhətdən birləşməsi. Bəşəriyyət buna nail olaraq bir bədənə bənzəyəcək, lakin onda həyat ruhu olmayacaq".

4. Bəhainin vəzifəsi nədir?

Uca Ədalət Evi açıqlayır:

"Sonra bu vahid bədənə həyat ruhu vermək zərurəti olacaq - əsl birliyi və ruhaniliyi bərqərar etmək lazım gələcək ki, bunun da ali təzahürü Böyük Sülh olacaq və bu vəzifə bəhailərin üzərinə düşür, o bəhailər ki, şüurlu surətdə və məqsədəyönlü şəkildə, Yazıların prinsiplərinə əməl edərək və Allahın daim istiqamətləndirən güçünə inanaraq yer üzündə İlahi Səltənətin qurulmasına çalışır və öz yaxınlarını ona daxil olmağa çağırırlar və bununla da əbədi həyata yiyələnmək üçün onlara yol açırlar".

5. Bəhainin xidmətinin vacibliyi nədədir?

Uca Ədalət Evi qeyd edir:

"... Yazılarda Allahın bizə bəxş etdiyi Kiçik Plan aydın şəkildə şərh olunmuşdur ki, biz Onun bəşəriyyətin xilas edilməsi üçün qurduğu Böyük Planın həyata keçirilməsində iştirak edə bilək. Bu işə biz bütün qüvvəmizi sərf etməliyik, çünki bizim əvəzimizə heç kim onu etməyəcəkdir".

DÜNYADA BAŞ VERƏN DAĞIDICI PROSESLƏR

1. Müasir dünyanın vəziyyəti necədir?

Uca Ədalət Evi təsdiq edir:

"Bizim cəmiyyətə nəzər salanda görürük ki, o, ciddi xəstəliklərə məruz qalmış və ağır iztirablar altında üzülməkdədir".

2. Bu hansı xəstəliklərdir?

Dinin Mühafizi buyurur:

"...Cəmiyyətdə hökm sürən kəskin siyasi qarşıdurmanın nəhs təzahürü, sosial qeyri-stabillik, irqi dözümsüzlük, sinfi antaqonizm, əxlaqsızlıq və inamsızlıq mövcud Dünya Nəzminin iqtidarsızlığına, onun dağılmasına və məhv olmasına parlaq sübutdur".

3. Bu Həzrət Bəhaullahın öncədən verdiyi xəbərlərə uyğun gəlirmi?

Uca Ədalət Evi qeyd edir:

Həzrət Bəhaullah yazır: "Tezliklə bu günün nəzmi süqut edəcək və onun yerini yenisi tutacaq". "Bir müddət sonra, - O, sonra yazır, - bir çox hökumətlər yıxılacaq. Dünya zülmətə bürünəcək. Lakin ümumdünya sarsıntısının ardınca üfüqlərdən görünməmiş ədalət günəşi doğacaqdır".

4. Bu ümumdünya sarsıntısı artıq baş vermişdirmi?

Dinin Mühafizi Birinçi Dünya Müharibəsini

"...Həzrət Bəhaullahın öncədən xəbər verdiyi nəhəng sarsıntının ilk mərhələsi" adlandırmışdır.

İkinçi dünya müharibəsini O,

"...görünməz qüvvənin fırtınası", “planetin ən ucqar və sakit güşələrinə soxulan böyük dağıdıçı İlahi qasırğa" adlandırmışdır. Bu müharibə qurtarandan və 1948-ci ildə Birləşmiş Millətlər Təşkilatı yaradılandan sonra, Əmrin Vəlisi "yeni beynəlxalq münaqişə təhlükəsinin

dünyanın başının üstünü alaçağı" "daha güçlü sarsıntı"-nı öncədən xəbər vermişdi.

1957-ci ildə O,

"...bəşəriyyətin tarixində vüsətinə və güçünə görə tayı-bərabəri olmayan ümumdünya sarsıntısı haqqında Allah iradəsinin qüsursuz Şərhçisinin öncədən verdiyi dəhşətli xəbərləri xatırlatdı".

5. Bu ümumdünya sarsıntısının əlamətləri nədir?

Dinin Mühafizi:

“... dünyanın hakimi və Xilaskarının öncədən xəbər verdiyi kimi, bir əsrdən çox yeni eranın Peyğəmbərinin Səsinə kar qalmış bəşəriyyətin üzərinə gec-tez düşəcək günahları təmizləyən fəlakətin əlamət və nişanələrini" "dünyada tarazlığın pozulması, bəşəriyyətin mövcudluğunun səbatsızlığı, cəmiyyətin dağılması mövcud Dünya Nəzminin tutarsızlığı, dövlət hakimiyyətinin kökündən sarsılması, dinin əsaslarının zəifləməsi, diktator rejimlərinin yaranması, zülmkarlığın yayılması, monarxiyanın devrilməsi, kilsələrin tənəzzülü, anarxiya və xaosun güçlənməsi, sollar hərəkatının artması və möhkəmlənməsi, irqi nifrətin qızışdırılması, müharibənin cəhənnəm maşınlarının təkmilləşdirilməsi, şəhərlərdə əhalinin sıxlaşması və atmosferin çirklənməsi kimi..." təsvir edir.

6. Bu fəlakətin hansı mümkün nəticələri ola bilər?

Dinin Mühafizi buyurur ki, bu fəlakət

"...bəşəriyyəti qədimdən qalmış ayrılıq rəzalətindən təmizləməli və onun parçalanmış hissələrini qırılmaz ümumdünya Qardaşlığında birləşdir­məlidir."

7. Bəşəriyyət bu dağıdıçı böhran dövründə məhv olmayacaqmı?

Bəhai Dininin Mühafizi bəşəriyyət haqqında belə buyurur:

"Onun bu günü, daha doğrusu, yaxın gələcəyi kədərli, cansıxıcı dərəcədə kədərlidir. Lakin bunun ardınca onu işıqlı, parlaq gələcək gözləyir, o qədər işıqlı ki, hələlik bunu hətta təsəvvür etmək mümkün deyildir".

O, həmçinin açıqlayır:

"Allahın Planı ... budur ki, tək Ona məlum olan və yalnız Onun üçün açıq olan yollarla, parçalanmış, əzəldən iztirab çəkən bəşəriyyəti Böyük Qızıl Əsrə gətirsin".

DİNDƏN KƏNARDA DÜNYA PROBLEMLƏRİNİN HƏLL EDİLMƏSİ SƏYLƏRİ

1. Əgər görkəmli dövlət xadimləri birləşərsə və bütün səylərini bəşəriyyətin qarşısında duran problemlərin həllinə yönəldərsə, uğur gözləmək olarmı?

Dinin Mühafizi buyurur:

"Həm şəxsi davranış nöqteyi-nəzərindən, həm də ölkələr və cəmiyyətlər arasındakı mövcud münasibətlər nöqteyi-nəzərindən bəşəriyyət, əfsuslar olsun ki, haqq yoldan həddindən artıq yayınmış və həddindən artıq alçalmışdır və hətta özünün ən yaxşı hökmdarlarının və dövlət adamlarının səyi ilə, onların niyyəti nə qədər təmənnasız, fəaliyyətləri isə nə qədər uzlaşdırılmış, onların səyi və işə sədaqəti nə qədər böyük olsa belə, özü xilas ola bilməz".

2. Dünya problemlərinin həll olunması üçün irəli sürülən nəhəng layihələrin və böyük iqtisadi proqramların sayı az deyil. Onlar gələcək üçün etibarlı əsas qoya bilərmi?

Dinin Mühafizi açıqlayır:

"Ən uzaqgörən dövlət xadimləri necə plan hazırlayırlarsa hazırlasınlar, iqtisadiyyat elminin görkəmli nümayəndələri necə nəzəriyyə irəli sürürlərsə sürsünlər, ən çalışqan əxlaqçılar hansı prinsipi yayırlarsa yaysınlar - onlar bu divanə dünyanın öz gələcəyini üzərində quracağı etibarlı fundamenti qoya bilməzlər".

3. Son zamanlar ölkələr və xalqlar arasında etibar aydın şəkildə artır, beynəlxalq əməkdaşlar isə daha sistematik və mütəşəkkil olur. Dünyanın sabitlik əldə etməsi üçün bu, kifayztdirmi?

Dinin Mühafizi buyurur:

"Ağıllı insanların qarşılıqlı dözümlülüyə heç bir çağırışları, hətta ən inandırıcı və təkidli çağırışları bəşəriyyəti barışdırmayacaq və ona həyat ruhu verməyəcəkdir. Və insan fəaliyyətinin istənilən sahəsində mütəşəkkil beynəlxalq əməkdaşlığın heç bir forması, hətta ən mütərəqqi və kenişmiqyaslı olanları, müasir cəmiyyətin tarazlığını pozan şəri aradan qaldıra bilməyəcək".

4. Dünya qarşılıqlı iqtisadi asılılıq əsasında açıq-aşkar siyasi birliyə doğru hərəkət edir. Cəmiyyzti sağaltmaq üçün bu, kifayətdirmi?

Dinin Mühafizi yazır:

"Deyə bilərəm ki, dünyanın siyasi və iqtisadi birləşməsi mexanizminin kəşf olunması öz-özlüyündə - bu prinsip isə hal hazırda getdikcə daha çox tərəfdar toplayır - mədəni xalqların və millətlərin həyat qabiliyyətini amansızçasına tükəndirən bəlanın panaseyası (dərmanı) olmayacaqdır".

5. Əgər dünya böhranından çıxmağa nə "ən uzaqgörən dövlət adamlarının" səyi, nə "qarşılıqlı dözümlülük", nə "mütəşəkkil beynəlxalq əməkdaşlıq", nədə "dünyanın siyasi və iqtisadi birləşməsi mexanizminin yaradılması" kömək etməyəcəksə, bəs nə etməli?

Dinin Mühafizi yazır:

"Qətiyyətlə demək olar ki, Həzrət Bəhaullahın altmış il əvvəl belə sadəliklə və qüvvətlə bildirdiyi və Allahın Özünün öncədən müəyyən etdiyi kimi, bəşəriyyətin birliyə doğru irəliləyişini və özünün hər bir müddəasının dəyişməz təsirinə sarsılmaz inamı özündə ehtiva edən İlahi Plandan başqa heç nə son nəticədə ruhi düşkünlük qüvvələrinin qarşısını almaq iqtidarında deyildir, o qüvvələr ki, çilovlanmadığı təqdirdə bütün ümidini itirmiş cəmiyyətin həyat toxumalarını bundan sonra da yeyib dağıdacaq".

BƏHAİLƏRİN FİKRİNCƏ, DÜNYA PROBLEMLƏRİNİN AÇARI NƏDİR

1. Bu problemlərin həlli yolunda ilk addım nə olmalıdır?

Uca Ədalət Evi qeyd edir:

"Ötən əsrdə Həzrət Bəhaullah dünyaya müraciət edərkən, aydın şəkildə göstərdi ki, bəşəriyyətin sakitliyinə və tərəqqisinə nail olmaq üçün ilk addım - birləşməkdir. Həzrət Bəhaullah buyurur: Bəşəriyyətin rifahına, sülh və təhlükəsizliyə, yalnız onun birliyi möhkəm surətdə bərqərar olduqdan sonra nail olmaq olar."

2. İnsanların əkszriyyəti bunu başa düşürmü, yoxsa onların başqa məqsədləri var?

Uca Ədalət Evi qeyd edir:

"Lakin əmin olmaq çətin deyildir ki, bu gün də insanların əksəriyyəti başqa baxışların tərəfdarıdırlar: parçalanmanın aradan götürülməsi onlar üçün ən uzaq, demək olar ki, əlçatmaz bir məqsəddir və ilk növbədə öz səylərini bəşəriyyətin başqa xəstəliklərinin sağaldılmasına yönəldirlər. Halbuki, bütün başqa xəstəliklər əsas xəstəliyin - parçalanmanın əlamətləri və nəticəsidirlər."

3. Bəşəriyyətin birləşməsində Əmrin rolu nədir?

Uca Ədalət Evi qeyd edir:

"Həzrət Bəhaullah öyrətdiyi kimi, bəşəriyyətin həyata qayıtması və onun bütün xəstəliklərinin sağaldılması yalnız Onun Əmri ilə (Dini ilə) mümkündür...”

"Bütün dünyanın sağaldılması üçün ali dərman və qüdrətli vasitə kimi Allah bütün xalqların bir ümumi Əmrdə, vahid Dində birləşməsini seçmişdir. Buna yalnız mahir, qüdrətli və ilham almış Həkimin köməyi ilə nail olmaq olar. Həqiqətən, həqiqət budur, yerdə qalanlar isə yanılmaqdan başqa bir şey deyildir."

4. Bəhailərin fəaliyyətinin mahiyyəti nədir?

Bəhai üçün öz ölkəsinin maraqlarına və dünyanın həqiqi xilası işinə xidmət etməyin ən yaxşı üsulu - siyasətlə məşğul olmaq, siyasi partiyalara daxil olmaq deyil, özünü tamamilə Həzrət Bəhaullahın İlahi Dünya Nizamının qurulmasına həsr etməkdir."

Dinin Mühafizinin yazdıqı kimi:

"...möminlər bütün qüvvələrini Əmrin dəstəklənməsinə və Bəhai İnzibati sisteminin qurulmasına yönəltməlidirlər. Hal-hazırda bizim dünyanı dəyişmək və ona kömək etmək üçün başqa yolumuz yoxdur. Əgər biz hökumətlərin mübahisələrində iştirak etsək, bizim işimiz müvəffəqiyyətsizliyə düçar olacaq. Lakin biz gələcək cəmiyyət üçün öz modelimizi yaratsaq, onda onu, bütün digər vəsaitlər artıq tükəndiyi bir vaxtda, dünyaya təklif edə biləcəyik.”

"...Biz mövcud qeyri-kamil sistemlərə toxunmadan, cəmiyyət qurmaq üçün öz məxsusi sistemimizi yaratmalıyıq. Bizim müdaxiləmiz nəinki onları dəyişməz, əksinə, bizim Əmrimizi məhv edər."

5. Cəmiyyətin mühüm problemlərinin həllində iştirak etmədiyimizə görə bizi günahlandırmayacaqlar ki?

Uca Ədalət Evi təsdiq edir:

"Bizi, bəhailəri, bizim yaxınlarımızın üzləşdiyi "mühüm problemlərdən" kənarda durmağımıza görə tez-tez günahlandırırlar."

6. Bu ittihamların əsası varmı?

Uca Ədalət Evi açıqlayır:

"...belə ittihamlara qulaq asarkən, yaddan çıxarmayaq ki, onlar utopik düşünən materialistlərdən gəlir. Bu materialistlər üçün maddi problemlərdən başqa "mühüm" problemlər yoxdur, lakin axı biz bilirik ki, maddi dünyanın fəaliyyəti ruhani vəziyyətin inikasıdır və bu vəziyyət dəyişməyənə qədər, maddi dünyada yaxşılığa doğru real irəliləyişdən heç söhbət belə gedə bilməz."

7. "Utopik düşünən materialistlərin" özləri cəmiyyətə necə kömək etməyə can atırlar?

Uca Ədalət Evi yazır:

"...insanların əksəriyyətinin nə hansı cəmiyyəti qurmaq istədikləri, nə də buna necə nail olacaqları haqda aydın təsəvvürləri vardır. Ona görədir ki, hətta nə isə etməyə can atanların səyləri şərin üzdə olan ayrı-ayrı təzahürləri ilə mübarizəyə çevrilir".

"Utopik düşünən materialistlərin" nöqteyi-nəzərindən dünyanın təkmilləşdirilməsi işinə köməyin meyarları hansıdır?

Uca Ədalət Evi buyurur:

"İnsanların əksəriyyəti üçün əxlaq meyarı, şərin təzahürləri ilə - istər həyat şəraiti olsun, istər də nadan insanlar - mübarizə aparmağa hazırlıq hesab olunur."

8. Əksər insanlardan fərqli olaraq bəhailər bu məsələyə necə yanaşırlar?

Uca Ədalət Evi təsdiq edir:

"Bəhailər can atdıqları məqsədi aydın təsəvvür edirlər və ona nail olmaq üçün addımbaaddım nə etmək lazım olduğunu bilirlər. Bütün qüvvələrini onlar Xeyirxahlığın - şərin saysız-hesabsız təzahürlərini geri oturdacaq və məhv edəcək müsbət enerciyə malik Xeyirxahlığın yaradılmasına yönəldirlər."

9. Bəhailzr dünyada şərin ayrı-ayrı təzahürləri ilə mübarizə aparmalıdırlarmı?

Uca Ədalət Evi buyurur:

"Şərin saysız-hesabsız təzahürlərinin hər biri ilə ayrılıqda təkbaşına donkixot mübarizəsi aparmaq öz-özlüyündə bəhai üçün vaxtın və qüvvənin əbəs yerə sərf edilməsidir. Bütün həyatları boyu bəhailər başqa insanları ruhani həyata dəvət edərək, onları Allahın öncədən müəyyən etdiyi Dünya Nəzminin qurulması üçün birləşdirərək, Həzrət Bəhaullahın Əmrinin həyata keçirilməsinə kömək edirlər.."

10. Bəha Dünya Nəzminin qurulması yolu ilə bu çoxsaylı problemlər həll olunacaqmı?

Uca Ədalət Evi açıqlayır:

"...bu Dünya Nəzmi yayıldıqça və möhkəmləndikcə möminlər Vəhyin islahedici qüvvəsinin bəşər cəmiyyətini dəyişdirərək problemlərin tədriçi həllinə və dünyada əsrlərlə mövcud olmuş ədalətsizliklərin aradan qaldırılmasına necə kömək edəcəyinin şahidi olacaqlar."

SİYASƏTƏ QARIŞMAMAQ HAQQINDA BƏHAİ TƏLİMİNDƏ NƏ BUYURULUR

BƏHAİ PRİNSİPLƏRİ

1. Bəhailərin siyasətə qarışmaqa münasibztləri?

Dinin Mühafizi

"...siyasi işlərə və məsələlərə tamamilə qarışmamağa" çağırır.

"Bizim heç birimiz - nə ağlımız, nə ürəyimiz, nə sözümüz, nə də əməlimizlə dövlət və hökumətlərin siyasət və mübahisələrində iştirak etməməliyik. Biz bu haqda hətta heç fikir-ləşməməliyik."

"...Taun xəstəliyindən qaçdığın kimi, siyasətdən qaç..."

"Dinimizin inkişafının bu mərhələsində Şərqdə, eləcə də Qərbdə dostlarımızın xüsusi əhəmiyyətini başa düşməli olduqları prinsip budur. Bu prinsip göstərir ki, Həzrət Bəhaullahın Əmrinin ardıcılları - fərdi möminlər, eləcə də bütün icmalar - yerli və milli - birbaşa və ya dolayı dövlət siyasətində iştirak kimi qiymətləndirilə biləcək istənilən fəaliyyətdən yayınmalıdırlar".

“Goy onlar öz dövlətlərinin siyasi səylərindən, hökumətlərinin siyasətindən, partiya və qrupların plan və proqramlarından kənar olsunlar, onları nə sözlə, nə də əməllə müdafiə etsinlər".

Uca Ədalət Evi

“...bəhailərin siyasətə qarışmaması prinsipindən danışaraq buyurur ki, Həzrət Əbdülbəhanın şəhadət verdiyinə görə, Həzrət Bəhaullah

"...onlara (möminlərə) siyasi işlərdə istənilən iştirakı qadağan etmişdir".

2. Bəhailərin siyasi qarşıdurmaya münasibəti necə olmalıdır?

Dinin Mühafizi buyurur:

"Cəmiyyətdə siyasi qarşıdurmalar baş verəndə onlar heç kimi ittiham etməməli və ya kiminsə tərəfini tutmamalı, kiminsə proqramını müdafiə etməməli və ya hansısa bloka qoşulmamalıdır, çünki bütün bunlar bəhailərin yaratmalı və möhkəmləndirməli olduqları ümumdünya Qardaşlığının ali maraqlarına ziddir."

Siyasi böhranların artdıqı şəraitlərdə Dinin Mühafizi çağırırdı:

"...ictimai rəyin təzyiqinə rəğmən, bəhailər - hər bir mömin ayrılıqda və içmalar bütövlükdə nə sözləri, nə əməlləri, nə şəxsi həyatlarında, nə də rəsmi rəylərində və bəyanatlarında hətta dolayısı ilə heç kimi ittiham etməməli və ya kiminsə tərəfini tutmamalıdırlar, çünki bu, dünyanı sarsıdan və bəşər cəmiyyətini tamamilə dağıtmaq təhlükəsi yaradan fasiləsiz siyasi böhranlar şəraitində yolverilməzdir."

BƏHAİLƏR SİYASƏTDƏ NƏ ÜÇÜN İŞTİRAK ETMƏMƏLİDİRLƏR

1. Hər hansı bir siyasi partiyaya üzv olmaq Bəhai Diniilə bir araya sıqırmı?

Dinin Mühafizi yazır:

"Ayrı-ayrı siyasi və dini təşkilatların bəzi prinsip və ideyaları ilə Bəhai Dininin istənilən şüurlu ardıcılı, şübhəsiz ki, razılaşardı. Bununla belə, o, bu təşkilatlardan heç biri ilə özünü eyniləşdirə bilməz, eləcə də onların əqidəsini, prinsiplərini və proqramlarını qeyd-şərtsiz qəbul edə bilməz."

"...mahiyyət budur ki, Həzrət Bəhaullahın ardıcılları, istər ayrı-ayrı möminlər, istər də icma bütövlükdə, heç bir halda Dinin əsas həqiqət və ideallarından çüzi yayınmalarla nəticələnən fəaliyyətdə iştirak etməməlidirlər".

"Bəhailər bundan yüksəkdə dayanır, o, Həzrət Bəhaullahın bəyan etdiyi prinsiplərin tərəfdarıdır və mənim qəti fikirimcə, heç bir siyasi partiyanın proqramı bu prinsiplərə tam şəkildə uyğun gəlmir..."

Uca Ədalət Evi qeyd edir:

"İstənilən siyasi partiyaya üzv olmaq mütləq Həzrət Bəhaullahın bəyan etdiyi ayrı-ayrı və ya bütün sülhsevərlik və birlik prinsiplərindən imtina etməklə nəticələnir". Necə ki, Həzrət Əbdülbəha buyurmuşdur: "Bizim partiyamız - Allahın partiyasıdır; biz başqa heç bir partiyaya mənsub deyilik".

2. Siyasətə qarışmaq bəhailər arasında birliyi poza bilərmi?

Dinin Mühafizi buyurur:

"Biz, bəhailər, bütün dünyada birik; biz mahiyyət etibarilə İlahi olan yeni Dünya Nəzmi qurmağa can atırıq. Əgər bəhailər, məqsədləri bir-birinə birbaşa zidd olan siyasi partiyalara qoşularsa, biz bunu necə həyata keçirə bilərik? Bəs onda bizim birliyimiz necə olar? Siyasət bizi fəlakətli şəkildə parçalayardı ki, bu da kökündən bizim məqsədlərə ziddir. Aydındır ki, əgər Avstriyada hər hansı bəhai hətta ən alicənab məqsədləri olan istənilən siyasi partiyaya qoşulmaqda azaddırsa, onda Yaponiyada, Amerikada və Hindistanda başqa bir bəhai, eyni hüquqlardan istifadə edərək, tamamilə əks prinsipləri təbliğ edən partiyaya qoşula bilər. O halda Dinin birliyi necə olar? Siyasi partiyanın üzvü olduğuna görə iki din qardaşı bir-birinə qarşı fəaliyyət göstərəcək (necə ki, bu çoxsaylı qardaş qırğınlarına cəlb olunan Avropa xristianları ilə baş vermişdi)".

Uca Ədalət Evi buyurur:

"Əgər bu və ya digər bəhai hansısa siyasi partiyanı müdafiə etmək hüququnda təkid etsəydi, o, eyni dərəcədə başqa möminlərin azadlığına da etiraz edə bilməzdi. Bu o demək olardı ki, ən vacib məqsədi yer üzünün bütün sakinlərini Allahın adı ilə himayə olunan bir böyük ailədə birləşdirmək olan Dinin sıralarında bir-birinə qarşı duran insanlar olardı. O halda bəşəriyyət üçün lazım olan birlik və razılıq nümunəsi necə olardı?"

3. Bəhailərin siyasətdə iştirakı başqa ölkədə Əmr üçün çətinliklər yarada bilərmi?

Dinin Mühafizi yazır:

"...fəaliyyətimizin genişliyini və içmaların müxtəlifliyini nəzərə alaraq - onlar isə öz prinsipləri, hüquqi normaları və siyasi metodları ilə bir-birindən fərqlənən müxtəlif hökumət formalarında mövcuddur, - icmaların bütün üzvləri, hər hansı hökumətin şübhəsinə və düşmənçiliyinə səbəb ola biləcək bu və digər ölkədə öz Din qardaşlarını yeni təqiblərdə məruz qoyacaq və ya onlar üçün öz müqəddəs vəzifələrini yerinə yetirmək şəraitini çətinləşdirəcək istənilən addımı atmaqdan çəkinməlidirlər".

Uca Ədalət Evi yazır:

"Əgər Dinimizin institutları, Allah eləməsin, siyasətə cəlb olunsaydılar, bəhailər görərdilər ki, onlar məhəbbət oyatmaq əvəzinə, düşmənçilik toxumu əkirlər. Əgər onlar hansısa ölkədə kiminsə tərəfini tutsaydılar, bu, mütləq başqa ölkələrdə yaşayan insanların Dinin məqsəd və vəzifələri barədə təsəvvürünə təsir göstərərdi. Əgər bəhailər özlərinin siyasi mübahisələrə cəlb olunmalarına imkan versəydilər, onda bəşəriyyəti dirçəltmək və ona kömək etmək əvəzinə, onlar özləri tam müvəffəqiyyətsizliyə uğrayardılar".

SİYASƏTƏ QARIŞMAMAQ PRİNSİPİNƏ ƏMƏL OLUNMASI

1. Bu gün siyasətdə iştirak etməmək prinsipi nə qədər vacibdir?

Dinin Mühafizi buyurur:

"Bəhai İnzibati Sistemi genişləndikçə və möhkəmləndikcə, Həzrət Bəhaullahın Dininin ardıcılları Əmrin bu başlıca prinsipini müdafiə etməyi və ona qəti surətdə əməl etməyi vacib saymalıdırlar. Daim inkişaf edən Dinin tələbatları üzərimizdə boyun qaçıra bilməyəcəyimiz bir öhdəlik, yayına bilməyəcəyimiz bir məsuliyyət qoyur".

2. Milli Ruhani Məhfilin rolu nədir?

Uca Ədalət Evi təsdiq edir:

"Yazılarda şərh olunan prinsiplər hər kəsə aydındır, lakin onların yerinə yetirilməsinə gəldikdə isə, adətən, burada suallar meydana çıxır. Bütün aydın olmayan hallarda möminlər öz Milli Ruhani Məhfillərinə müraciət edə bilərlər. Milli Ruhani Məhfil həmin məsələ üzrə qərar çıxarır və dostlara necə davranmaq barədə məsləhət verir".

3. Bəhailər siyasi sualları hətta müzakirə etmədən belə yayınmalıdırlarmı?

Həzrət Əbdülbəha yazır ki, Həzrət Bəhaullah

"möminləri siyasi sualları hətta müzakirə etməkdən çəkindirirdi".

4. Bu məsələdə Həzrət Bəhaullahın yardımına təvəkkül edə bilərikmi?

Dinin Mühafizi buyurur:

"Bizim vəzifəmiz çətin və inçədir, bununla belə, az da olsa şübhə yoxdur ki, Həzrət Bəhaullahın qanunlarının sarsılmazlığını təsdiq edərək Onun yolunda düz addımlasaq, Həzrət Bəhaullahın gücü və Onun İlahi təlimi bizə yardımçı olacaq. Əgər biz mətanət göstərsək, Onun heç bir dünyəvi qüvvənin örtə bilməyəcəyi günahları yüngülləşdirən nemətinin işığı addımladığımız təlaşlı zəmanəmizin tikanlı yollarını işıqlandıracaq və Onun Mübarək Adının şərəfinə öz borcumuzu yerinə yetirməyə güç verəcəkdir".

5. Siyasətə qarışmaq bəhainin özü üçün nə ilə nəticələnə bilər?

Dinin Mühafizi yazır:

Lakin bəhailərdən kimsə Məhfilin bütün tələb və xəbərdarlıqlarına baxmayaraq siyasi fəaliyyətlə məşğul olmağa qərar verərsə və siyasi partiyaların mübarizəsində iştirak edərsə, o halda Məhfil onu Bəhai seçkilərində səsvermə hüququndan məhrum edə bilər".

DÖVLƏT XİDMƏTİNƏ MÜNASİBƏT

1. Bəhailər hansı dövlət işlərində çalışa bilərlər?

Uca Ədalət Evi buyurur:

"...dövlət-inzibati işlərində, lakin siyasi partiyaların işlərində və diplomatiya və siyasət sahəsində deyil."

2. Bəhai üçün bu və ya digər vəzifənin məqbul olduğunu necə müəyyən etməli?

Dinin Mühafizi yazır:

"Bəhainin borcü - (lazım gəldikdə öz seçkili orqanlarına kömək üçün müraciət edərək) hansı vəzifə və öhdəliklərin diplomatik və siyasi sahəyə, hansıların isə təmiz inzibati sahəyə aid olduğunu və heç bir halda dövlətin siyasi həyatında baş verən dəyişiklik və çevrilmələrdən asılı olmadığını mümkün qədər dəqiq təyin etməkdir".

PARTİYALARA VƏ SİYASƏTÇİLƏRƏ MÜNASİBƏT

1. Bəhailər hansısa partiyaya qarşı dururlarmı?

Uca Ədalət Evi qeyd edir:

"Din heç bir millətin əsl maraqlarına zidd deyildir və hər hansı partiya və ya qrupa qarşı dayanmayacaqdır. O, bütün ixtilaflardan kənar, onlardan yüksəkdədir..."

2. Biz hansısa siyasi partiya ilə əməkdaşlıq edə bilərikmi?

Dinin Mühafizi buyurur:

"Biz heç bir siyasi partiya ilə əməkdaşlıq etməməliyik və bir-biri ilə düşmənçilik edən bu çoxsaylı sektaların heç bir fraksiyalarına qoşulmamalıyıq.”

3. Biz siyasi partiyalara necə yanaşmalıyıq?

Dinin Mühafizi buyurur:

"Biz söz və əməlimizlə bütün siyasi partiyalarla münasibətdə tam bitərəfliliyimizi sübut etməli və eyni zamanda, ölkə və xalqlara fərq qoymadan bütün bəşəriyyətə məhəbbət bəsləməliyik - Həzrət Bəhaullahın ən vacib təlimi budur..."

4. Bəhailər siyasətçilərlə ünsiyyətdə ola bilərlərmi?

Uca Ədalət Evi buyurur:

"Bəhailər cəmiyyətin bütün təbəqələrindən olan insanlarla - ali hakimiyyət nümayəndələri və dövlət liderləri ilə, eləcə də sadə xalqla, Dinimiz haqqında biliyi hamıya və hər kəsə çatdıraraq ünsiyyət edə bilər və etməlidirlər, lakin bu zaman biz yol verməməliyik ki, onu siyasi məqsədlərlə və partiya proqramları ilə eyniləşdirsinlər."

5. Belə ünsiyyətdə bizi hansı tələlər gözləyir?

Dinin Mühafizi möminləri xəbərdar edir:

"Qoy onlar utanmaz siyasətçilərin silahı olmaqdan və ya fitnəçi və pis niyyətli insanların fitnəsinə cəlb olunmaqdan qorunsunlar."

İCTİMAİYYƏT QARŞISINDA ÇIXIŞLAR

1. Bəhailər öz ictimai çıxışlarında siyasi xadimlər haqqında danışa bilərlərmi?

Dinin Mühafizi öz katibi vasitəsilə yazır:

 "... öz ictimai çıxışlarımızda biz siyasi xadimlər haqqında danışmaqdan qaçmalıyıq - onları nə müdafiə etməli, nə də ittiham etməliyik. Bunu həmişə yadda saxlamaq lazımdır. Əks halda biz mütləq siyasətə qarışmış olacağıq ki, bu da Əmr üçün son dərəcə təhlükəlidir."

2. Bəhailər mübahisəli suallara toxunan məqalələr dərc etdirə bilərlərmi?

Dinin Mühafizi buyurur:

"Mübahisəli və siyasi məsələlərə toxunan aktual mövzuların nəşri ilə bağlı sevimli Din qardaşlarıma xatırlatmaq istərdim ki, indi, Bəhai Dini öz inkişafının erkən mərhələsində olduğu bir vaxtda, ümumi müzakirə mərkəzində dayanan məsələlərin ətraflı təhlilini vermək üçün istənilən cəhdimiz düzgün yozulmaz, şübhə və anlaşılmazlığa əsas verər ki, bu da Dinimizin maraqlarına mənfi təsir göstərər və Bəhai Dininin həqiqi məqsədləri, əsas vəzifələri və mahiyyəti barədə təsəvvürləri təhrif edər."

3. Bəhailzr öz mətbuat yazılarında nəyi rəhbər tutmalıdırlar?

Dinin Mühafizi buyurur:

"Sosial və etik prinsiplərimizi tam və pak şəkildə ətraflı açıqlayaraq və əsaslandıraraq, onların bəşər cəmiyyətinin müxtəlif tərəfləri ilə sıx əlaqəsini göstərərək biz ehtiyatlı olmalıyıq ki, Dinimizin əsaslarını şərh edərək heç bir birbaşa söz və ya tənqidlə hansısa təşkilatın düşmənçiliyinə səbəb olmayaq və sırf ruhani hərəkatın bir-birinə qarşı duran qrup, partiya və dövlətlərin cəfəng iddialarına və mübahisələrinə bənzədilməsi üçün əllərinə bəhanə verməyək."

4. Öz şifahi və yazılı ictimai çıxışlarımıza necə yanaşmalıyıq?

Dinin Mühafizi açıqlayır:

"Bütün çıxışlarımızda biz müdrikin ağlını və nəcib təmkinliliyini müqəddəs Əmrin mübarizinin səmimiyyəti və güclü sədaqəti ilə uyğunlaşdırmalıyıq. Bu və ya digər insanı, hökuməti və ya xalqı bizdən uzaqlaşdıra və ya bizə qarşı qaldıra biləcək çıxışlardan qaçaraq, biz bəşəriyyətin rifahı və kamilləşməsi üçün lazım hesab etdiyimiz həqiqəti tam şəkildə qorxusuz və qətiyyətlə əsaslandırmalı və müdafiə etməliyik,"

5. Siyasətə qarışmamaq prinsipi bəhailərin rəsmi fəaliyyətində və onların öz xidməti vəzifələrini yerinə yetirmələrində necə əks olunur?

Dinin Mühafizi buyurur:

"Söhbət istər həyata keçirdiyimiz və yönəltdiyimiz nəşrlərdən, istər rəsmi və ictimai müzakirlərdən, istər tutulan vəzifə ilə bağlı öhdəliklərin yerinə yetirilməsindən, istər görkəmli insanlar və dövlət xadimləri ilə ünsiyyətdən, istərsə də ruhən yaxın olan cəmiyyət və təşkilatlarla münasibətdən gtsin, - şübhəsiz, bəhailərin əsas və müqəddəs borcu bu ən mühüm prinsipin pozulması kimi yozula biləcək söz və ya əməldən çəkinməkdir."

VƏTƏNDAŞ SEÇKİLƏRİNDƏ İŞTİRAK ETMƏK

1. Bəhailər vətəndaş seçkilərində iştirak edə bilərlərmi?

Dinin Mühafizi buyurur:

"...Əgər dostlar özlərini bu və ya digər partiya ilə eyniləşdirmirlərsə, seçkilərdə iştirak edə bilərlər. Siyasi mübarizədə iştirak, şübhəsiz, Dinin ali maraqlarına ziyan gətirər və Əmrə düzəlməz zərər vurardı."

2. Bəhailərin seçkilərdə iştirakı, onlar üçün bu və ya digər siyasi partiyanın proqramını müdafiə etmək deməkdirmi?

Dinin Mühafizi təsdiq edir:

"...əgər bəhai seçkilərdə səs verirsə və ya dövlətin işlərində iştirak edirsə, bu, onun Dinin ən mühüm ruhani və sosial prinsiplərinə zidd olan proqram və fəaliyyətlərin müdafiəsinə çevrilməməlidir... Qeyd etməyi lazım bilirəm ki, bəhailərin vətəndaş seçkilərində iştirakı və ya müəyyən vəzifəni tutmağa razılıq vermələri qətiyyən hansısa siyasi partiyanın proqramını qəbul etməsi demək deyildir."

3. Vətəndaş seçkilərində iştirak edərkən bəhailər nəyi rəhbər tutmalıdırlar?

Dinin Mühafizi yazır:

"Hər kəs öz səsvermə hüququndan elə istifadə etməlidir ki, istənilən siyasi partiyadan uzaq olsun və həmişə yadda saxlasın ki, o, bu və ya digər partiyanın üzvü kimi deyil, müstəqil şəxs kimi səs verir. Hər bir bəhai, fəaliyyət və mühakimələrində tam azadlığını saxlayaraq bunu aydın başa düşməlidir."

SİYASƏTDƏ İŞTİRAK ETMƏMƏK - BƏHAİLƏRİ BİZİM GÜNLƏRDƏ GÜDƏN TƏLƏLƏR

1. Bəhaini siyasətə nə çəlb edə bilər?

Uca Ədalət Evi buyurur:

"Dinlə bağlı fəaliyyətdən başqa digər yolla yaxınlarımıza kömək edə bilmək kimi yanlış təsəvvür çox vaxt bəhailəri siyasətə sürükləyir."

2. Siyasətə qarışmamaq prinsipini pozmaq ruhani çəhətdən nə ilə nəticələnər?

Dinin Mühafizi xəbərdarlıq edir:

"Ciddi təhlükə var ki, belə nöqsanlar - ümumilikdə - Dinin əsasını dağıda və bizim İlahi, mahiyyətinə görə millətçilikdən yüksəkdə dayanan, çətinliklə yaradılmış və bu yaxınlarda qurulmuş ruhani nəzmi qidalandıran nemət mənbəyinin yolunu bağlaya bilər".

3. Bəhailər bu prinsipə əməl edərkən hansı çətinliklərlə üzləşə bilərlər?

Dinin Mühafizi"...onlara qarşı irəli sürülən düşünülməmiş və ya pis niyyətli ittihamlardan"

xəbərdar edir və "şan-şöhrətə və mükafata uymaqdan" ayıq olmağı tövsiyə edir.

O, bəhailəri

"Sözləri ilə şəhadət verməyə və əməlləri ilə sübut etməyə çağırır ki, Həzrət Bəhaullahın ardıcılları heç bir ölkədə heç bir tamahkar məqsəd güdmür, hakimiyyətə can atmır, bu prinsipin əzmlə yerinə yetirilməsinin törədə biləcəyi narazılıq, şübhə və təhqirlə üzləşməkdən qorxmurlar".

SİYASƏTDƏ İŞTİRAK ETMƏMƏK BƏHAİLƏRİ GƏLƏCƏKDƏ GÜDƏ BİLƏCƏK TƏLƏLƏR

1. Gələcəkdə siyasətçilər bəhailərdən dəstək alacaqlarmı?

Dinin Mühafizi əsaslandırır:

"Dünyada Bəhai içmalarının sayı artdıqca və onların cəmiyyətə təsiri çoxaldıqca hakimiyyətə malik və siyasi dairələrdə çəkisi olan insanlar şəxsi məqsədlərinə çatmağa lazım olan dəstəyi almaq üçün onlara getdikçə daha çox təzyiq göstərəcəklər".

2. Bəhailər gələcəkdə hökumət orqanlarından alınması mümkün olan maddi mənfəət naminə öz prinsiplərini pozmaq tamahına düşməzlərmi?

 Dinin Mühafizi xəbərdarlıq edir:

"Öz institutlarını genişləndirməyə və möhkəmləndirməyə çəhd göstərərək, gələcəkdə Bəhai icmalarının öz ölkələrinin hökumətlərinin rəğbətinə və dəstəyinə getdikcə daha çox ehtiyacları olacaq. Qoy, o halda, dostlar, qəlblərinə əziz olan Əmrə can yandıraraq, öz Dinlərindən bilməyərək keçməkdən, onun ən mühüm prinsiplərini pozmaqdan və ya öz icmaları üçün hansısa maddi mənfəət naminə öz təmiz ruhani səylərini qurban verməkdən çəkinsinlər".

HAKİMİYYƏT ORQANLARINA TABE OLMAĞIN ZƏRURİLİYİ

1. Bəhailərin hakimiyyət orqanlarına münasibəti necədir?

Dinin Mühafizi buyurur:

"Onların vəzifəsi - öz hökumətinə, onların apardığı siyasətdən asılı olmayaraq, həmişə tam loyal münasibət göstərməkdir".

Dinin Mühafizi buyurur:

"Bəhainin mövqeyi ikitərəfli olmalıdır: yaşadığı ölkənin hakimiyyət orqanlarına tamamilə tabe olmaq və siyasi məsələlərə və işlərə qarışmamaq"

və təkrar edir:

"Sözsüz əməl etməli olduğumuz əsas prinsip,.. – yaşadığımız ölkədə hakimiyyətdə olan hökumətə tabe olmaqdır..."

"Beləliklə, iki şərtə əməl etməyimiz zəruridir: taun xəstəliyindən qaçan kimi siyasətdən qaçmaq və yaşadığımız ölkənin hökumətinə tabe olmaq".

Uca Ədalət Evi Həzrət Bəhaullahın və Həzrət Əbdülbəhanın sözlərinə əsaslanaraq yazır:

"Elə həmin Həkim öz ardıcıllarına, tək həqiqi Allahın sevimli övladlarına müraciət edərək yazırdı: Bu dünyanın qayğılarına və onda mövcud olan heç bir şeyə uymayın və onun dünyəvi hakimlərinin işlərinə qarışmayın. Tək həqiqi Allah - qoy şöhrəti göylərə uçalsın - dünyaya hökmranlığı padşahlara vermişdir. Heç kimə hakimiyyət başında duranların ölçülüb-biçilmiş mühakimələrinin əksinə çıxmaq hüququ verilməmişdir.

Başqa bir Lövhdə O, möminlərin üzərinə “öz ölkələrinin hökumətləri ilə münasibətdə sədaqətli, vicdanlı və səmimi olmaq” vəzifəsini qoyur. Həzrət Əbdülbəha həmin prinsipləri yenidən təsdiq edir. Amerikada möminlərin qarşısında çıxış edərək O deyirdi: Bəhai Dininə görə sosial quruluşun və iqtisadi şəraitin yaxşılaşması üçün hakimiyyət orqanlarının qoyduğu qanun və prinsiplərə əməl etmək zəruridir.

Və nəhayət, Onun Vəsiyyətnaməsində buyurulur: Biz öz ölkəmizin hökumətinə tabe olmalı və onun xeyirxahları kimi çıxış etməliyik..."

2. Biz yalnız ədalətli hökumətəmi tabe olmalıyıq?

Dinin Mühafizi buyurur:

"Müəllimin sözlərinin məğzi budur ki, bizim üzərimizə, necə olmağından asılı olmayaraq, istənilən qanuni hökumətə tabe olmaq vəzifəsi qoyulur. Heç bir bəhai öz hökumətinin ədalətli olub-olmamasını mühakimə etməməlidir, çünki hər möminin, çox güman ki, bu məsələyə öz nöqteyi-nəzəri olacaq, bu isə ixtilafa gətirib çıxaracaq və bizim birliyimizi məhv edəcək".

3. Əgər hakimiyyət orqanları bizim fəaliyyətimizi məhdudlaşdırırsa, biz tabe olmalıyıqmı?

Dinin Mühafizi İranda o vaxt təzyiqə məruz qalmış bəhailərə müraciət edərək yazır:

"Bu və ya digər ölkədə mövcud olan və ya mövcud olacaq istənilən fəaliyyət məhdudiyyəti zamanı, öz hökumətilə münasibətdə öz müqəddəs vəzifələrinə sadiq olan və ez vətəndaş borcunu başa düşən Bəhai içması tam itaət göstərmiş və göstərəcəkdir".

4. Əgər federal və yerli hökumət orqanlarının qanunları və siyasəti bir-birindən fərqlənsə, biz yalnız federal qanuna tabe ola bilərikmi?

Uca Ədalət Evi buyurur:

"...bəhai federal və ya yerli qanuna, yalnız bu qanun Dindən üz döndərməyi tələb etmədiyi halda tabe olur. Əgər hökumət orqanları bizə mane olmurlarsa, biz öz həyatımızı Bəhai qanunlarına uyğun qururuq. Bu, o demək deyildir ki, bəhaidən federal və ya yerli qanunlar haqqında fikir söyləmək tələb olunur - bunu məhkəmələr etməlidirlər".

5. Hətta hökumət bizim fəaliyyətimizi məhdudlaşdırsa belə, biz ona tabe olmalıyıqmı?

Dinin Mühafizi buyurur:

"...bizim fəaliyyətimizə qarışmaları Bəhai hərəkatının inkişafına nə qədər ciddi təsir etsə də, öz-özlüyündə onun dayandırılması Dinə sədaqətdən üz döndərmək demək deyildir və burada Həzrət Bəhaullah və Həzrət Əbdülbəhanın buyurduqları prinsipi rəhbər tutmaq lazımdır - qanuni hakimiyyət orqanlarının rəsmi sərəncamlarına hörmət etmək və onları tamamilə yerinə yetirmək.”

6. Bizim hakimiyyət orqanlarına tabe olmağımızın sərhəddi varmı?

Dinin Mühafizi yazır:

"Ruhani prinsiplərə toxunulmadığı hallardan başqa, məsələn, bizdən Dindən üz döndərməyi tələb etdikləri hallardan başqa bütün hallarda tabe olmalıyıq. Bu prinsiplər uğrunda biz ölməyə hazırıq".

"Həzrət Bəhaullahın Əmrinin bütövlüyünə və ləyaqətinə toxunulduğu hallarda, iş o yerə çatırsa ki, bəhailərdən Əmrdən üz döndərmək və ən mühüm əqidələrindən imtina etmək tələb edilir, o halda möminlər bilirlər və həyatları ilə sübut etməyə hazırdırlar ki, yer üzünün heç bir qüvvəsi - nə ən xain düşmənlərin hiylələri, nə də ən amansız zülmkarların qəddarlığı - onlardan heç bir qeyri-səmimi söz qopara bilməz və ya onların viçdanlarının səslərinə zidd olacaq və Əmri ləkələyəcək bir hərəkətə sürükləyə bilməz".

Və yenə də:

"Bununla belə, bəhailər yerinə yetirilməsi Əmrdən üz döndərməyə bərabər olan və ya onun Allah tərəfindən bəxş edilən ən mühüm ruhani prinsip və qanunlarına xəyanət demək olan sərəncamları heç bir şəkildə yerinə yetirməyəcək və Dinin Banilərinin ardınca gedən iyirmi min şəhid kimi həbsxananı, sürgünü, təqibi və hətta ölümü üstün biləcəklər; heç vəchlə onlar Əmrdən üz döndərməyi tələb edən dünyəvi qüvvəyə tabe olmayacaqlar".

7. hökumətin siyasətinə necə yanaşmalıyıq?

Dinin Mühafizi məsləhət görür:

"Qoy onlar (bəhailər) öz dövlətlərinin siyasi səylərindən, öz hökumətlərinin siyasətlərindən, partiya və qrupların plan və proqramlarından kənarda dursunlar və onları nə sözlə, nə də əməllə müdafiə etsinlər".

8. Əgər hökumətin fəaliyyəti mübahisə doqurursa, biz hansı mövqeni tutmalıyıq?

Dinin Mühafizi yazır:

"Cəmiyyətdə siyasi qarşıdurma baş verəndə, onlar heç kimi ittiham etməməli və ya kiminsə tərəfini tutmamalı, kiminsə proqramını müdafiə etməməli və ya hansısa bloka qoşulmamalıdırlar, çünki bütün bunlar, bəhailərin yaratmalı və möhkəmləndirməli olduqları Ümumdünya Qardaşlığının ali maraqlarına ziddir".

Uca Ədalət Evi Əmr haqqında deyir:

"O, bütün ixtilaflardan kənardadır, o, onlardan yüksəkdir və eyni zamanda o, Öz ardıcıllarına hökumətə loyal münasibət bəsləməyi hökm edir və şüurlu vətənpərvərliyi müdafiə edir".

9. Hökumətlərin mübahisə mövzusu olan bəzi məsələlər, şübhəsiz, əxlaqi məsələlərdir; biz bu məsələlərin həllində iştirak etməməliyikmi?

Dinin Mühafizi yazır:

"Biz, bəhailər, başa düşməliyik: cəmiyyət elə sürətlə dağılır ki, mahiyyəti hələ yarım əsr əvvəl aydın olan əxlaqi məsələlər indi ümidsiz şəkildə dolaşdırılmış və, bundan başqa, ziddiyyətli siyasi maraqlarla qarışdırılmışdır. Bax buna görə də bəhailər bütün qüvvələrini Əmrin irəli getməsinə və İnzibati Sistemin qurulmasına yönəltməlidirlər. Hal-hazırda dünyanı dəyişmək və ya ona kömək etmək üçün başqa yolumuz yoxdur. Əgər biz hökumətlərin mübahisələrində iştirak etsək, bizim işimiz müvəffəqiyyətsizliyə məhkumdur. Lakin biz gələcək cəmiyyət üçün öz modelimizi yaratsaq, bütün başqa vasitələrin tükəndiyi bir vaxtda, onu dünyaya təklif edə bilərik".

10. Bəhailərin mövqeyi öz ölkələrinin maraqlarına laqeyd münasibət göstərmək və onun çiçəklənməsinin qayqısına qalmamaq demək deyilmi?

Dinin Mühafizi qeyd edir:

"Tamamilə aydın anlamaq lazımdır ki, bəhailərin mövqeyi heç vəchlə öz ölkəsinin rifahına laqeyd olmaq deyildir və cüzi də olsa, tanınmış, hakimiyyətdə olan hökumətin nüfuzuna qarşı durmağı nəzərdə tutmur. Nə də ki, o, öz hökumətinin və xalqının ali maraqlarının həyata keçirilməsinə ən fəal şəkildə kömək etməkdən imtina etməyi nəzərdə tutur. Bu mövqe Həzrət Bəhaullahın hər bir həqiqi və sadiq ardıcılının, birliyin ali normalarından və Əmrin işinə sədaqətli olmaqdan əl çəkməyərək, öz ölkəsinin həyati maraqlarına təmənnasız, vicdanla və səmimiyyətlə xidmət etməsi deməkdir".

Uca Ədalət Evi təsdiq edir:

"Bəhainin öz ölkəsinə məhəbbəti özünü, siyasi partiyalarda iştirak etməkdə və ya diplomatik və siyasi fəaliyyətlə məşğul olmaqda deyil, öz ölkəsinin çiçəklənməsi üçün vicdanlı əməyində, dövlət və inzibati-təsərrüfat təsisatlarında işi ilə kömək etməyində göstərməlidir".

11. Bəhailər, hakimiyyət orqanlarına tabe olmaq prinsipini bəyan edərək, cəmiyyət həyatının hansı anlamından çıxış edirlər?

Dinin Mühafizi yazır:

"Bizim cəmiyyət həyatı haqqında anlayışımız, mahiyyət etibarı ilə, fərdin iradəsinin bütün cəmiyyətin iradəsinə tabe olmasına əsaslanır. Təlim nə şəxsiyyətin alçaldılmasına, nə də həddindən artıq yüksəldilməsinə çağırır, çünki sonuncu onunla nəticələnə bilər ki, insan cəmiyyət üçün təhlükəli olan cəmiyyətə zidd bir varlığa çevrilə bilər. Hər şeydə olduğu kimi, biz "qızıl ortanı" saxlayırıq. Yalnız azlıq çoxluğun iradəsinə tabe olduqda cəmiyyət yaşaya bilər".

ÇƏMİYYƏTİN RİFAHI VƏ İCTİMAİ HƏRƏKATLAR

1. Bəhailər xeyriyyəçilik fəaliyyəti ilə məşğul olmalıdırlarmı?

Dinin Mühafizi öz katibi vasitəsilə yazır:

"...sən bu gün milyonlarla insanın çəkdiyi əzab və əziyyətləri bölüşməyə can atırsan - bu, təbii və alicənab arzudur, lakin bəşəriyyətə heç bir başqa xidmət bəhai fəaliyyətinin vacibliyi ilə müqayisə edilə bilməz. Əgər bəhailər öz işlərini düzgün qiymətləndirsəydilər, onlar başa düşərdilər ki, istənilən xeyriyyə fəaliyyəti, ən yaxşı halda insanların əzab-əziyyətlərini müvəqqəti yüngülləşdirərək səthi xarakter daşıdığı halda, bəhailərin fəaliyyəti Allahın Kəlamına söykənən və Tanrı tərəfindən nazil olan Qanunlara uyğun işləyən yeni ruhani Dünya Nizamının əsasını qoyur. Bu işi Həzrət Bəhaullahın Təliminin mənasını başa düşən insanlardan başqa heç kim etməyəcək, lakin xeyriyyə fəaliyyəti ilə hər bir alicənab adam məşğul ola bilər.

Möminlər bəşəriyyət üçün sığınacaq tikirlər. Onların bütün həyatlarını həsr etməli olduqları ən mühüm, müqəddəs vəzifə bax budur".

Uca Ədalət Evi buyurur:

"Yaxınlarımıza məhəbbət və onlara acıma həqiqi bəhainin həyatının ayrılmaz hissəsi olduğuna görə, biz ehtiyaçı olanlara kömək etmək üçün həmişə əlimizdən gələni edirik. Biz heç vəchlə buna laqeyd yanaşmamalıyıq, çünki sözümüz əməlimizlə üst-üstə düşməlidir. Lakin bizi əhatə edənlərin iztirabları bizim diqqətimizi tamamilə yayındırmamalı və səylərimizi son nəticədə səmərəsiz olacaq yola yönəltməməlidir, onlar bizi ən mühüm və zəruri vəzifəni unutmağa vadar etməməlidir. Özünü xeyriyyə fəaliyyətinə həsr edən adamlar az deyil, amma, əfsuslar olsun ki, Allahın Özünün istədiyini yerinə yetirən azdır, bu isə - bəşəriyyətin ruhani cəhətdən oyadılmasıdır".

2. Bəhailər mütərəqqi ictimai hərəkatlarla əməkdaşlıq etməlidirlərmi?

Uca Ədalət Evinin çatdırdığı kimi, Əmrin Vəlisi yazırdı:

"Bəhailər həm özlərinin, həm də Dinlərinin hansısa siyasi partiya ilə eyniləşdirilməməsinin qayğısına qalmalı olduqları kimi, həmçinin başqa bir ifratçılıqdan da, yəni fəaliyyəti bizim Təlimə tamamilə uyğun gələn, məsələn, fəaliyyəti irqi mövhumatın aradan götürülməsinə yönəldilən mütərəqqi ictimai hərəkatların nümayəndələri ilə konfrans və komitələrdə iştirakdan imtina etməkdən qaçmalıdırlar".

3. Hansı ictimai hərəkatlarla əməkdaşlıq etməməliyik?

Dinin Mühafizi buyurur:

"Həzrət Əbdülbəhanın İstənilən birlik Allahdandır sözlərini xatırlayaraq, istənilən ölkədə bəhailər qrupbazlıq və siyasətin cüzi əlamətindən azad bütün bəşəriyyətin maraqlarına sədaqətli olan istənilən insan birliyi ilə əməkdaşlıq etməyə hazırdırlar və üstəlik, ona can atırlar".

4. Müasir ictimai hərəkatlarla əməkdaşlıqın əsas məqsədi nədir?

Dinin Mühafizi buyurur:

"Sözsüz, icmaların müasir ictimai hərəkatlarla əlaqə saxlaması tamamilə zəruridir, lakin bizim əsas məqsədimiz Bəhai Təliminə mümkün qədər çox adamlar cəlb etmək və onlara Əmrin ruhunu və mahiyyətini dərk etməyə kömək etməkdir. Biz başqalarının təcrübəsini öyrənməliyik, lakin öz yolumuzdan yayınmamalıyıq ki, son nəticədə, başqa hərəkatlara cəlb olunmayaq və Allahın Əmrindən kənarlaşmayaq".

5. Bəhai Dininin gələcəkdə yayılmasına bu əlaqələrin nə faydası ola bilər?

Dinin Mühafizi yazır:

"Biz özümüzü nə sözdə, nə də əməldə Dinimizə zidd olan təşəbbüs və proqramlara bağlamayaraq, Bəhai Dini ilə mümkün qədər çox adamı tanış etmək, onun dözümlülüyünü və qərəzsizliyini, müstəqilliyini və paklığını göstərmək üçün istənilən imkandan sevinclə istifadə edərik".