Odur Allah! Ey mehriban Allah! Bu nazənin uşaqlar Sənin Qüdrət əlin ilə yaranmışlar. Və Sənin Əzəmətinin nişanələridirlər. Ey Allah! Bu uşaqları hifz eylə. Elm öyrənməkdə onlara kömək eylə və bəşəriyyət aləminə xidmət göstərməkdə onlara yardım eylə. Ey Allah! Bu uşaqlar dürr dənəsidirlər. Onları Öz İnayət sədəfinin qoynunda böyüt. Sən Bağışlayan və Mehribansan.

ƏBDÜLBƏHA

Odur Allah! Ey Allah! Mən bir uşaqam. Məni Öz İnayət kölgəndə bəslə. Mən təzə bir budağam. Öz İnayət buludunun yağışları ilə məni yetişdir. Sənin Məhəbbət bağının bitkisiyəm. Məni meyvə verən bir ağac eylə. Sən Qüdrətlisən, Sən Mehribansan, Bilən və Görənsən!

ƏBDÜLBƏHA

Odur Allah! Ya Rəbb! Bu Uşaqları bəyənilmiş budaqlar eylə. Onları Əhdi-peyman bağçasında yetişdir və Əbha Mələkutu buludunun feyzi ilə onlara gözəllik və zəriflik ver.

Ey Mehriban Allah! Mən kiçik bir uşağam, məni Öz Mələkutuna daxil eylə və böyüt. Mən yerdəyəm, məni göylərə qaldır. Fani dünyadayam, məni Lahut Aləminə yüksəlt. Mən qaranlıqdayam, məni nurlandır. Maddi aləmdəyəm, məni ruhani aləmə yönəlt və tükənməz feyzlərinin mənşəyinə layiq gör. Sən Qüdrətli və Mehribansan!

 ƏBDÜLBƏHA

İlahi! Mənə yol göstər, məni qoru, məni şölə saçan çıraq və parlayan ulduz et. Sən Qüvvətli və Qüdrətlisən!

ƏBDÜLBƏHA

İlahi! Bu uşaqları tərbiyə eylə. Bu uşaqlar Sənin bağının bitkiləri, Sənin çəmənliyinin gülləri, Sənin bağçanın çiçəkləridirlər. Qoy Sənin yağışın onların üzərinə yağsın; qoy Həqiqət Günəşi Sənin məhəbbətinlə onları nurlandırsın; qoy Sənin nəsimin onları oyandırsın ki, onlar tərbiyə alsınlar, böyüsünlər, inkişaf etsinlər və kamil gözəlliklə meydana çıxsınlar. Sən Bağışlayansan, Sən Mərhəmətlisən!

 ƏBDÜLBƏHA

Ya Rəbb! Mənim ruhumu canlandır və sevindir. Qəlbimi saflaşdır. Qüvvələrimi nurlandır. Mən bütün işləri Sənə etibar edirəm. Sən mənim Rəhbərim və Sığınacağımsan. Mən daha heç vaxt kədərli və qəmqin olmayacağam, mən şad və xoşbəxt varlıq olacağam. İlahi! Mən bir daha narahat olmayacağam, nə də ki, çətinliklər məni qorxutmayacaqdır. Mən həyatda xoş olmayan şeyləri yaşamayacağam! Ya Rəbb! Sən mənə özümdən ən yaxın dostsan. Mən özümü Sənə həsr edirəm, ey Mənim Allahım!

 ƏBDÜLBƏHA

Sən Xatırlayan və Xatırlanansan! Ey mənim Allahım və mənim Ağam və mənim Məqsudum! Sənin bəndən Sənin Rəhmətinin kölgəsində yatmaq və Fəzl çadırının kölgəsində istirahət etmək istəyir. Səndən hifzetməyi və qorumağı diləyir. Ya Rəbb! Sənin heç zaman yumulmayan gözlərindən diləyirəm ki, mənim gözümü Səndən başqa özgəsinə baxmaqdan qoruyasan və sonra Sənin Zühuruna tərəf baxmaq üçün onun nurunu artırasan. Sən o Allahsan ki, Sənin Qüdrət Zühürlarının qarşısında bütün yaranmışların qüdrətləri zəif görünür. Səndən başqa Allah yoxdur! Sən Qüvvətli, Qalib İxtiyar Sahibisən!

BƏHAULLAH

Ey mənim Allahım! Məndə təmiz ürək yarat. Ey mənim Diləyim! Məndə sakit bir sirr xəlq eylə. Ey mənim Məhbubum! Ruh qüvvətinləməni Öz Əmrində dəyanətli eylə. Ey mənim Arzum! Əzəmət nuru ilə məni Öz yolunda şəhid eylə. Ey mənim Əvvəlim! O Ujalıq Səltənətinlə məni Öz Müqəddəs göylərinə yüksəlt. Ey mənim Axırım! Səmədiyyət nəsimi ilə məni xoşhal eylə. Ey mənim Mövlam! Qədimi Məzhərinin sərvəti ilə məni Özündən başqasına möhtaj olmaqdan xilas eylə. Ey mənim zahirimdən zahiri yüksək və mənim batinimdən batini üstün olan Allah! Öz əbədi Zatının Zühuru ilə məni mücdələ.

BƏHAULLAH

Ey mənim Allahım! Sənin adın mənim şəfamdır! Səni zikr etmək mənim dərmanımdır. Sənə yaxı nlığın mənim ümidimdir və Sənin Mərhəmətin həm bu dünyada və həm də axirətdə mənim təbibim və yardımımdır. Həqiqətən, Sən ƏnSəxavətli, Ən Çoxbilən və Hikmətlisən!

 BƏHAULLAH

Varmıdır Allahdan başqa çətinliklərdən qurtaran? Söylə: «Sübhandır Allah! Odur Allah! Hamı Onun bəndələridir və Onun Əmrinin xidmətindədirlər».

BAB

Ey Rəbb! Bu əzəmətli əmrdə Sən uşaqların öz valideynləri üçün zaminliyini qəbul edirsən. Bu Əmrin xüsusi məhdudsuz bəxşişlərindən biridir. Ona görə də, Ey Sultan Rəbbim, bu bəndənin Sənin təklik astananda xahişini qəbul et və onun atasını Sənin rəhmət dəryana qərq et, çünki bu oğul Sənə xidmət etmək üçün qalxıb və Sənin məhəbbətin yolunda hər vaxt səy göstərməkdədir. Həqiqətən, Sən Veriji, Bağışlayıjı və Sultansan.

ƏBDÜLBƏHA

Allahı xatırlayan və Onu tərifləyən vilayət və ev və yer və şəhər və ürək və dağ və sığınajaq və mağara və vadi və torpaq və dəniz və ada və çəmən bəxtiyardır.

BƏHAULLAH

Ey mənim Allahım! Ey mənim Allahım! Sənə xidmət edənlərin qəlblərini birləşdir və Öz Ali Məqsədini onlara aşkar eylə, ta ki, onlar Sənin Əmrlərinə riayət etsinlər və Sənin qanunlarını yerinə yetirsinlər.

Ey Allahım! Onların jəhd göstərmələrinə kömək eylə. Sənə xidmət etmək üçün onlara qüvvət bağışla.

Ey allahım! Onları özbaşını buraxma, onların qədəmlərini Öz hikmət Nurun ilə istiqamətləndir. Öz məhəbbətinlə onların qəlblərini şad eylə.  Həqiqətən, Sən onların Köməyisən, onların Mövlasısan.

BƏHAULLAH

Ey mənim Allahım! Sənin sığınajağında gejəni səhər etdim. Sənin sığınajağını axtaranlar Sənin hifz və himayə Qalana daxil olmalıdırlar. Ya Rəbb! Mənim zahirimi Öz bəxşiş səhərinin nuru ilə işıqlandırdığın kimi, batinimi də Öz Zühurunun dan yerinin işığı ilə nurlandır.

BƏHAULLAH

Mən, ey mənim Allahım, kiçicik bir toxumam ki, Öz məhəbbət torpağında əkmisən, və Öz səxavətinlə cücərtmisən. Bu toxum, ona görə də özünün gizli mahiyyətində Sənin rəhmət suların və fəzl çeşmən üçün susaјıb. Öz inayət səmandan Sənin kölgəndə və Sənin dərgahında onun çiçəklənməsinə səbəb olan şeyləri ona nazil eylə. Sən o Kəssən ki, Səni tanıyanların hamısının qəlbini Sənin bol çaylarından və həyat verən sularının çeşməsindən sulayırsan.

Aləmlərin Rəbbi olan Allaha həmd olsun!

Bəhaullah

Söylə: Allah hər şeyə ən yüksək bəxşiş edəndir. Allahdan başqa heç kim nə göylərdə, nə də yerdə bəxşiş edə bilməz. Həqiqətən O Özü Bilən, Qüvvə Verən və qüdrətlidir.

Bab

Ya Rəbb!

Bütün yer üzü insanlarının Sənin Əmrinin cənnət bağına girə bilməsinə imkan ver ki, heç bir varlıq Sənin razılığının hüdudlarından kənarda qalmasın. Ən qədim dövrdən Sən istədiyini yarada bilərdin və Öz istəyinlə hər şeyin fövqündə durmusan.

Bab

Yalvarıram Sənə. Sənin qüdrətinlə, ey Mənim Allahım!

İmkan vermə ki, sınaqlar zamanı şər mənə güc gəlsin və mənim laqeyd və qayğısız dəqiqələrimdə addımlarımı Sənin İlhamının gücü ilə doğru yola yönəlt.

Sən Allahsan və istədiyini etməkdə ixtiyar sahibisən. Sənin iradənə qarşı gəlməyə və ya Sənin Məqsədinin yerinə yetməsinə mane olmağa heç kəsin gücü çatmaz.